Гўзал табиати, бетакрор таомлари ва турфа хил дам олиш масканлари билан машҳур бўлган Паркент туманида анъанавий “Узум сайли” халқаро фестивали тадбирлари бошланди.
Фестиваль – узумчилик, миллий таомларимиз, ҳунармандчилик, агротуризм ва энотуризмни бир туристик маҳсулотга бирлаштирадиган халқаро майдонга айланмоқда.
21-22 август кунлари бўлиб ўтадиган тадбирлар орқали Паркентнинг бетакрор табиати, узумзорлари, миллий анъаналари ва меҳмондўстлиги юртдошларимиз ҳамда хорижий сайёҳларга кенг тарғиб қилинмоқда.
