Б.Т.
бо парвози ширкати миллии ҳавопаймоӣ дар масири «Новосибирск–Тошканд» ба
пойтахти Ӯзбекистон оварда шуд, хабар медищад АИ «Дунё».
Тибқи
маълумоти духтари ӯ, дар фурудгоҳи пойтахт ӯро табибон ва мошини ёрии таъҷилӣ
пешвоз гирифта, бемор фавран барои гирифтани ёрии зарурии тиббӣ ба Маркази ҷумҳуриявии
илмии ёрии таъҷилии тиббӣ интиқол дода шуд.
Тавре
қаблан хабар дода шуда буд, шаҳрванд то ин вақт дар шуъбаи эҳёи нейрохирургии
Маркази клиникии ҳифзи саломатии кормандони саноати кӯҳии вилояти Кемерово, воқеъ
дар шаҳри Ленинск-Кузнетск, табобат мегирифт.
Қобили
зикр аст, ки Консулгарии генералии Ӯзбекистон, намояндагии Агентии муҳоҷират
дар Новосибирск ва ташкилоти ҳамватанон дар шаҳри Кемерово дар давраи будубоши ӯ
дар Кузбасс барои таъмини табобат, доруворӣ ва ғизои зарурӣ, инчунин нигоҳубини
ҳамарӯзаи ӯ чораҳои ҳамоҳанг ва муассир андешиданд.
Ғайр
аз ин, бо кӯшиши дипломатҳои Ӯзбекистон ва ҳамватанон дар Кузбасс интиқоли бароҳати
ӯ аз шаҳри Ленинск-Кузнетск то фурудгоҳи «Толмачёво»-и Новосибирск ташкил карда
шуд.
Ёдовар
мешавем, ки дар натиҷаи ҷароҳатҳои бардоштааш шаҳрванд айни ҳол мустақилона ҳаракат
карда наметавонад.
Аз
ин рӯ, Агентии муҳоҷират барои Б.Т. чиптаҳои ҳавопаймо харидорӣ намуда, интиқоли
ӯро ба ватан дар ҳолати хобида таъмин кард.
Шаҳрванди
баргардонидашуда ба роҳбарияти Ӯзбекистон барои таваҷҷуҳи махсус ба сарнавишти ҳамватанон
дар хориҷи кишвар изҳори сипос ва миннатдории амиқ намуд.
