Ҳадафи ин лоиҳа ба сатҳи нави рушд баровардани сайёҳии кӯҳӣ,
зимистона ва экстремалӣ мебошад.
Дар доираи лоиҳа пешбинӣ шудааст, ки Майдонак ба як маҷмааи
муосири сайёҳии чорфасла табдил дода шавад. Айни замон дар ин минтақа корҳои
сохтмонӣ пайваста идома дошта, инфрасохтори меҳмонхонаҳо, минтақаҳои истироҳатӣ,
шабакаҳои муҳандисию коммуникатсионӣ, инчунин инфрасохтори нақлиётӣ ва хидматрасонӣ
босуръат рушд меёбанд.
Ба фароҳам овардани шароити замонавӣ ва бароҳат барои меҳмонон,
баланд бардоштани сифати хидматрасониҳои сайёҳӣ, рушди намудҳои экстремалии
варзиш ва истироҳати фаъол таваҷҷуҳи махсус зоҳир мегардад. Ҳамзамон, ҳифзи ҷозибаи
табиии минтақа ва нигоҳдории мувозинати экологӣ аз вазифаҳои асосӣ боқӣ
мемонад.
Дар оянда Майдонак бояд ба яке аз марказҳои пешрафтаи
сайёҳии кӯҳӣ ва экстремалӣ, намудҳои зимистонаи варзиш, истироҳати оилавӣ,
экотуризм, саёҳатҳои фаъол ва туризми саргузаштӣ табдил ёбад.
Татбиқи ин лоиҳа ба рушди минбаъдаи иқтидори сайёҳии
вилояти Қашқадарё, таъсиси ҷойҳои нави корӣ, ҷалби сармоягузорӣ ва таҳкими
рушди иқтисодии минтақа мусоидат хоҳад кард.
