Жиззах вилояти Ғаллаорол туманида яшовчи К.Абдужалиловнинг Ўзбекистон Республикаси Бош прокуратураси ишонч телефонига қилган мурожаати Ўзбекистон истеъмолчилар ҳуқуқларини ҳимоя қилиш жамиятлари федерациясига келиб тушди.
Мурожаатда истеъмолчи “Trans servis idea” МЧЖ томонидан Чилонзор тумани 23-мавзеда қурилаётган янги кўп қаватли уйлардаги хонадонлардан бирини сотиб олиш бўйича 650 миллион сўмлик шартнома имзолагани, ушбу хонадоннинг қиймати тўлиқ тўланган, шунингдек, барча ҳужжатлар расмийлаштирилган бўлса-да, уйни ҳалигача ололмаётганини маълум қилган.
Мазкур ҳолат федерациянинг Чилонзор тумани жамияти томонидан ўрганилиши натижасида истеъмолчига уй олиб берилди.
