Фарғона вилоят ИИБ ижтимоий тармоқларда тарқалган 18 ёшли бола машинада жарликка қулаб вафот этгани ҳақидаги хабар ўрганиб чиқилганини маълум қилди.

Маълум бўлишича, 2025 йил 21 июль куни Сўх тумани, Ленбур маҳалласида яшовчи 2007 йилда туғилган С.С. “Нексия-3” русумли автомашинани Қирғизистоннинг Баткен вилояти Бужай айили ҳудудида бошқариб кетаётиб, руль бошқарувини йўқотган ва жарликка ағдарилиб кетган.

Ҳодиса оқибатида ҳайдовчи С.С. тан жароҳати олиб, ҳодиса жойида вафот этган.

Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган.