24 октябрь БМТ куни сифатида 1948 йилдан буён нишонланиб келинади. Бу йил Ташкилот ўзининг 75 йиллигини бутун дунё учун катта синов бўлаётган, соғлиқни сақлаш соҳасидаги мислсиз глобал инқироз оғир иқтисодий ва ижтимоий оқибатларга олиб келаётган бир пайтда нишонланяпти.
Бугун БМТнинг 75 йиллигини нишонлаш учун дунёнинг машҳур бинолари, музейлари, кўприклари ва бошқа меъморий ёдгорликлари мовий ранг билан ёритилади. Ушбу ташаббус рамзий маънода дунё фуқароларини бирлаштиришга, тинчлик, барқарор ривожланиш ва инсон ҳуқуқлари универсал тилининг тарқалишига кўмаклашишга қаратилган ҳаракатдир.
«Юксалиш» умуммиллий ҳаракати матбуот хизмати.