Жорий йил консерваланган мева-сабзавотлар экспортидан кўрилган даромад ўтган йилнинг шу даврига нисбатан 24 фоизга ошган. Консерваланган мева-сабзавотларнинг 37 фоизи Россияга, 26,4 фоизи Қозоғистонга ҳамда 26 фоизи Афғонистонга экспорт қилинган.
Шунингдек, жорий йил консерваланган мева-сабзавотларнинг Тожикистонга экспорти 3,8 баробар, Жанубий Кореяга экспорти 3,1 баробар, Украинага экспорти 1,7 баробар, Қирғизистонга экспорти 1,6 баробар ва Туркманистонга экспорти 1,3 баробарга ортган.
Ўзбекистондан консерваланган мева-сабзавотлар экспорт қилинган давлатлар қаторига жорий йил Беларус ва Италия ҳам қўшилди, деб хабар беради «Дунё» АА.