Афғонистон пойтахти Кобул шаҳрида Ўзбекистон ва Афғонистон маҳсулотларининг ихтисослаштирилган кўргазмаси ташкил этилди.
Кўргазма икки мамлакат бизнес вакиллари ўртасида ҳамкорлик ўрнатиш, экспортёр ва импортёрлар ўртасида шартномалар имзолаш учун шароит яратиш, шунингдек, икки халқ бой маданий меросини кенг тарғиб қилиш мақсадида ташкил қилинди.
Тадбирга ташриф буюрувчиларга Ўзбекистоннинг 50 дан зиёд йирик экспортчи компанияларининг 100 дан ортиқ маҳсулотлари тақдим этилган, деб хабар беради «Дунё» АА.
