Бу ҳақда Ўзбекистон Республикаси Транспорт вазирлиги Ахборот хизмати маълум қилди.
Фарғона водийси ва мамлакатимизнинг бошқа вилоятларини темир йўл транспорти билан узвий боғлаш, шунингдек, ички туризмни янада ривожлантириш мақсадида қўшимча 651/652-сонли “Андижон — Хива — Андижон” йўловчи поезди қатнови 2022 йилнинг 28 сентябридан йўлга қўйилади.
651/652-сонли “Андижон – Хива – Андижон” йўловчи поезди 2022 йилнинг 28 сентябрь ҳафтанинг чоршанба кунидан бошлаб Андижондан, 2022 йилнинг 29 сентябрь ҳафтанинг пайшанба кунидан бошлаб Хивадан жўнайди.
Шунингдек, 2022 йилнинг 29 сентябридан ҳафтанинг ҳар пайшанба куни Андижондан ҳаракатланаётган “Андижон — Бухоро” йўловчи поездининг ҳаракат йўналиши Урганч бекатигача узайтирилади.
