PuriCareнинг илк намунаси одатий ҳаво фильтрига эга бўлиб, юқори самарали қилиб ишлаб чиқарилган эди. Ниқоб шаклидаги ҳаво тозалагич тақиб юришга мўлжалланган бўлса-да, унда гаплашиш қийин эди — овоз тиниқ чиқмасди. Шунинг учун ишлаб чиқарувчилар ана шу камчиликни бартараф этиб, уни янада ихчамроқ кўринишга келтиришди ҳамда унга VoiceON компьютерлаштирилган тизимини ўрнатишди.
Мазкур тизим фойдаланувчи гапираётганини, овозни баландлатиш учун микрофонни ишга туширганини аниқлайди. Шу орқали овозни кучайтириб беради. Бошқа пайт ускуна қувватни иқтисод қилиш учун автоматик тарзда ўчиб қолади.
Аккумулятор сиғими 850 дан 1000 мАга оширилди. Ниқоб 8 соат давомида қувватлантиришларсиз ишлай олади. Тўлиқ қувватлантириш учун икки соат вақт сарфланади. Унинг оғирлиги 126 граммдан 94 граммгача камайтирилди.
“Ақлли” ниқоб август ойидан Таиландда, кейин эса дунёнинг бошқа мамлакатларида сотувга қўйилади. Унинг нархи ҳозирча номаълум.
