Депрессия белгилари, шу жумладан кузги депрессия, кўпинча ҳолсизлик, энергия етишмаслиги ва овқатланишнинг бузилишини ўз ичига олади. Бу омилларнинг барчаси инсоннинг иш қобилияти ва самарадорлигини сезиларли даражада пасайтиради, деб тушунтирди шифокор Евгений Фомин. Унинг сўзларига кўра, руҳий касаллик юрак-қон томир касалликларига қараганда зарарли бўлиб қолди.

«Депрессия — бу аср касаллигидир. Бугунги кунда депрессив ҳолат, депрессив ташвиш жуда кўп. Депрессия кўпинча хотиржамликнинг бузилиши билан боғлиқ. Ушбу касаллик ҳозирги кунда ёши катта инсонларнинг меҳнатга лаёқатсизлиги туфайли биринчи ўринни эгалламоқда. Илгари юрак-қон томир касалликлари, юрак хуружи, инсульт, инфаркт хавфли ҳисобланарди. Энди унинг ўрнини руҳий тушкунлик, безовталик, яъни руҳий касалликлар эгаллади», — деди психиатр «Спутник» радиосига.

Евгений Фомин депрессия шароитлари билан шуғулланиш учун универсал «таблетка»ни тавсия қилди. Унинг сўзларига кўра, бу «таблетка» — спорт.

“Қандай курашиш керак? Авваламбор, мен спортни тавсия қиламан, чунки бу универсал «таблетка». Ҳар қандай ўзгариш ва ҳар қандай кишига мос келади. Бу оддий бадантарбия, сузиш ёки югуриш бўлиши мумкин. Мушакларни чиниқтирадиган ҳар қандай спорт тури билан шуғуллангандан кейин инсон ўзини анча яхши ҳис қилади. Бу депрессив ҳолатнинг олдини олиш”, — дея тушунтирди психиатр.