Бу ҳақда BBC хабар берди.
Хабарга кўра, 20 ёшларда эканлиги тахмин қилинган аёл воқеа жойида вафот этди, шу ёшдаги эркак эса оғир жароҳатлар олди ва оғир аҳволда Нюкаслдаги шифохонага вертолётда етказилди.
Ҳодиса Сиднейдан тахминан 300 километр шимолда жойлашган Кроуди-Бэй миллий боғидаги Кайлис пляжида содир бўлди. Полиция воқеа жойига тез тиббий ёрдам ходимларини чақирди.
Бирламчи саноат департаменти мутахассислари одамларга катта буқа акула ҳужум қилган, деб тахмин қилишмоқда.
Ҳодиса туфайли пляж ёпилди ва акулаларни ўлжали илгаклар билан жалб қилиш учун “ақлли” балиқ овлаш воситалари ўрнатилди, шунда уларни белгилаб, кейин қўйиб юбориш мумкин бўлади.
Бу Австралияда бу йил содир бўлган бешинчи ҳалокатли акула ҳужуми, деб хабар берди report.az.
