Демак, байрам кунлари Тошкент шаҳрида автобус йўналишлари фаолияти қуйидагича ташкил этилади:
2021 йил 31 декабрь дам олиш куни. Автобуслар шанба кунлари учун тасдиқланган жадвал асосида ҳаракатланади. Иш вақтининг тугаши эса 1 (бир) соатга узайтирилади;
2022 йил 1 январь дам олиш куни. Якшанба кунлари учун тасдиқланган жадваллар сони 40% га камайтирилган ҳолда автобусларнинг ишга чиқарилиши режалаштирилган;
2022 йил 2, 3 ва 4 январь дам олиш кунлари. Автобуслар якшанба кунлари учун тасдиқланган жадваллар бўйича ҳаракатланади;
2022 йил 8 январь шанба, иш куни. Автобуслар иш кунлари учун тасдиқланган жадваллар бўйича ҳаракатини давом эттиради, деб хабар беради Транспорт вазирлиги матбуот хизмати «Тошшаҳартрансхизмат» АЖ маълумотига таяниб.
