Маълум бўлишича, Самарқанд вилояти Паяриқ туманидаги кўп қаватли уйлардан бирида бир ёшли қиз кўп қаватли уйнинг 3-қаватида қулфланиб қолган.

Боланинг ота-онаси ўз вақтида ёрдам сўраб вилоят Фавқулодда вазиятлар бошқармасига мурожаат қилган.

Қисқа муддат ичида етиб келган қутқарувчилар махсус нарвон ёрдамида бино ичига кирдилар. Эшикни ичкаридан очиб, болани соғ-саломат ҳолда ота-онасига топширишга муваффақ бўлган, деб хабар беради Фавқулодда вазиятлар вазирлиги матбуот хизмати.