Маҳаллий аҳоли “Иброҳим ҳожи” масжидини “Ҳожи Дунган” деб ҳам аташади. Ушбу жоме Қоракўл шаҳрининг рамзи ва диққатга сазовор жойига айланган.
Масжид дунган халқининг етакчиларидан Иброҳим ҳожи ташаббуси билан 1910 йили қурилган. Унинг пойдевори ва тош ишлари маҳаллий ҳунармандлар томонидан, ёғоч қисми эса хитойликлар томонидан барпо этилган.
Масжид 42 та устундан иборат бўлиб, бинони ўраб турган кўп қаватли ёғоч корнис узум, анор, нок ва шафтоли каби ўсимликларнинг тасвирлари билан безатилган. Масжид томи яшил рангга бўялган, устунлар ва шифти сариқ, минораси кўк рангда.