Конго Демократик Республикасининг ғарбий қисмида жойлашган Май-Ндомбе кўлида кема чўкиши натижасида 60 киши қурбон бўлди. Юзлаб йўловчиларни қидирув-қутқарув ишлари давом этмоқда.
Мамлакат гуманитар операциялар ва миллий бирдамлик вазири Стив Мбикайи Мабулуки ўзининг твиттер саҳифасида 700дан ортиқ йўловчидан иборат, ортиқча юкка эга бўлган кема Май-Ндомбе кўлида чўкиб кетганини очиқлади.
Вазир бахтсиз ҳодиса учун жавобгар ҳар бир киши қонун олида қатъий жавоб беришини айтиб, 60 кишининг жонсиз танаси топилганини, 300 кишининг қутқарилганини, яна юзлаб кишиларни қидирув-қутқарув ишлари давом этаётганини билдирди.
Кўл ва дарёларда бу каби таҳликали ҳодисалар, айниқса, мавсумий ёғингарчилик кучли бўлган даврда, эътиборсизлик туфайли кемаларга ўз имкониятидан ортиқча юк олиш ортидан келиб чиқмоқда.
Мамлакатда етарлича асфальт йўллар йўқлиги учун одамлар транспорт учун одатда дарё ва кўллардан фойдаланадилар.
