Аудит давомида Бухоро нефтни қайта ишлаш заводи ходимлари бошқарув тамойиллари талаблари бўйича юқори малакасини намойиш этди.
Европа органлари томонидан заводда ишни юқори савияда ташкил этилгани, хавфсиз меҳнат шароитлари яратилгани, тизим мунтазам такомиллаштирилиб борилгани учун «Платина» сертификатига лойиқ топилди.
2022 йил 21 апрелда «Management Certification» МЧЖ директори Бухоро нефтни қайта ишлаш заводи раҳбарига корхонанинг соғлиқни сақлаш ва меҳнат хавфсизлигини таъминлаш тизими «ISO 45001:2018» халқаро стандартига мувофиқлиги тўғрисидаги платина сертификатини топширди, деб хабар беради «Ўзбекнефтгаз» АЖ матбуот хизмати.
Ушбу сертификатни қўлга киритиш сармоядорларни жалб қилиш истиқболларини яратади, шунингдек, республикамиз ва нефть-газ саноатининг жаҳондаги мавқеини янада юксалтиради.
