Кинематография агентлиги Бухоро вилоят ҳудудий бўлими томонидан Бухоро Давлат Университети талабларига режиссёр Акром Шоҳназаровнинг “101 рейс” номли бадиий фильми намойиш қилинди.
Фильм намойишида университетнинг 200 дан ортиқ талаба ёшлари ва ўқитувчилари қатнашдилар. Доимий равишда ҳар ҳафтада университетда бўлиб ўтадиган маънавият соатларида кинонамойишлар ўтказилиши режалаштирилди.
“Ажойиб фильмдан баҳраманд бўлдик. Эндиликда ҳар ҳафта мана шундай фильмлар намойиши ташкил этилар экан. Бу эса биз ёшларга маданаий ҳордиқ бўлиши билан бирга, маънавий озуқа ҳам бера олади деб ҳисоблайман.” – дейди университет талабаларидан бири.
