“Тошкент метрополитени“ ДУКнинг маълум қилишича, “Буюк ипак йўли“ метро бекати айланма йўли орқали йўналишга чиқиши лозим бўлган 5-сонли ҳаракат таркибида техник носозлик ҳолати кузатилган.

Белгиланган йўриқномага асосан, йўловчилар ва ҳаракат хавфсизлигини таъминлаш мақсадида текширув йўлагига олиниб, кейинги ҳаракат таркиби орқали йўловчилар манзилларига етказилди. Бунинг натижасида, йўналишдаги вақт интервали 6 дақиқага узайди.

Ҳозирги вақтда бекатдаги тирбандлик бартараф этилган ва йўналишдаги поездлар белгиланган жадвал асосида ҳаракатланмоқда.