Ушбу жараёнда ишчи гуруҳ ҳамда тижорат банклари ҳамкорлигида 156 нафар аёллар томонидан таклиф этилган лойиҳалар тўлиқ ўрганиб чиқилган. «Бизнес кўникма» лойиҳаси асосида 48 соатлик ўқув-семинар машғулотлари ташкил қилинди ва тадбиркорлик истагида бўлган аёлларга сертификатлар берилди.
Бугунги кунда сертификат олган 135 нафар хотин-қизларга 4 миллиард 156 миллион сўмлик кредит маблағлари ажратилди.
Жумладан, тикувчилик қилиш истагида бўлган 105 нафар хотин-қизларга 3 миллиард 171 миллион сўм, нон маҳсулотлари ишлаб чиқаришни режалаштирган 3 нафар хотин-қизларга 102 миллион сўм, қандолатчиликни йўлга қўймоқчи бўлаётган 5 нафар хотин-қизларга 170 миллион сўм кредитлар ажратилди.
Бундан ташқари, парранда боқишни режа қилган 1 нафар аёлга 36 миллион сўм, пишириқ цехи ташкил қилиш мақсадидаги 1 нафар аёлга 33 миллион сўм, гўзаллик салони очиши учун яна 1 нафар аёлга 33 миллион сўмлик кредитлар берилди.
Маиший хизмат кўрсатиш соҳаси ҳам туманимизда кундан-кунга ривожланиб бормоқда. Айни шу йўналишда ҳам 3 нафар хотин-қизларга 121 миллион сўм, ўқув маркази очишни режалаштирган 2 нафар хотин-қизларга 72 миллион сўм, физиотерапия ҳамширалиги хизматини жорий қилаётган 1 нафар аёлга 36 миллион сўм ва бошқа йўналишда тадбиркорлик қилиш истагида бўлган 13 нафар аёлга 382 миллион сўмлик кредитлар ажратилди, деб хабар беради Чилонзор туман ҳокимлиги матбуот хизмати.
