Қуйидагилар Институтнинг 2025 йилгача ривожлантиришнинг мақсадли кўрсаткичлари (индикаторлари) ҳисобланади:
-таълим соҳасида юқори малакали кадрлар тайёрлаш тизимини сифат жиҳатидан тубдан такомиллаштириш;
-илмий-тадқиқот фаолияти самарадорлиги ва натижадорлигини ошириш;
-Институт педагог кадрларининг билим ва малака, касбий тайёргарлик даражасини ҳозирги кун талаблари асосида ошириш;
-хорижий олий таълим муассасалари билан ҳамкорликни ривожлантириш, Институтнинг халқаро миқёсдаги рақобатбардошлигини таъминлаш;
-Институт моддий-техника базасини ривожлантириш.
2021/2022 ўқув йилидан бошлаб Институтда:
- ўқув дастурлари ўзаро яқин бўлган бакалавриат таълим йўналишлари бўйича асосий ва қўшимча мутахассислик (квалификация) бериш тизими;
- ҳамда Педагогик таълим инновацион кластери фаолияти йўлга қўйилади.
Қарор билан, Институт қуйидагиларни мустақил равишда амалга ошириш ҳуқуқига эга бўлди:
-Институт ҳузуридаги техникумнинг ўқув-методик жараёнини мувофиқлаштириш, унинг тузилмасини, ўқув режа ва дастурларини ишлаб чиқиш ва тасдиқлаш, тўлов-контракт асосидаги қабул параметрларини белгилаш;
-иш берувчилар талабларини инобатга олган ҳолда ўқув режаларидаги амалий машғулотлар ҳажмини ошириш, ҳафтада бир кунлик амалиёт тажрибасини қўллаш;
-хорижий мутахассисларни консультант, маслаҳатчи ва ўқитувчилар сифатида жалб қилиш ва уларга Институтнинг бюджетдан ташқари маблағлари ҳисобидан ойлик маош тўлаш.