Тошкент ҳарбий округи ҳудудидаги ҳарбий қисмларда Қуролли Кучлар ташкил этилганининг 30 йиллиги арафасида янги иншоот ва капитал таъмирланган бинолар фойдаланишга топширилди. Бу ҳақида Тошкент вилояти ҳокимлиги ахборот хизмати хабар берди.
Ўқув биноси, тиббиёт пункти, ётоқхоналар, Ёшлар иттифоқи вакиллари ҳамда психологлар фаолияти учун хона, кутубхона, тўгараклар, маънавият маркази, ошхона, жанговар техникаларни сақлаш ҳамда мавсумий таъмирлаш ўтказа оладиган жанговар техникалар парки шулар жумласидандир.
Замонавий ускуналар билан қайта жиҳозланган мазкур бинода ҳарбий хизматчиларнинг фарзандлари учун ҳам бир қанча қулайликлар яратилди. Улар тўгаракларда тил ўрганиб, адабиёт ва санъатга ҳам ошно бўлишмоқда.
