Маълум бўлишича, йиллар давомида эътиборсиз қолдирилган бу ҳайкаллар маҳаллий аҳоли томонидан қисман таъмирланган. Таъмирлаш ўз ишининг усталари томонидан олиб борилмагани туфайли ҳайкаллар "қўрқинчли" ҳолга келтирилган.
Қашқадарё вилояти ҳокими Зойир Мирзаев мазкур ҳудудда бўлганида ҳайкаллар ва қадимий ёдгорликнинг бугунги қаровсиз ҳолати уни ҳайратлантирди.
"Биз Маданият вазирлигига хат билан чиқамиз. Бу ҳолатга бефарқ қараб бўлмайди. Бу баланд тоғларга мос ҳайкал керак", — деди Зойир Мирзаев.