Бунинг ёрқин ифодасини Наманган вилоятининг Чуст туманидаги 52-ихтисослаштирилган давлат умумий ўрта таълим мактаби мисолида ҳам кўриш мумкин.
2019 - 2020 ўқув йилида мазкур илм масканини битирган 18 нафар ўқувчининг барчаси, яъни 100 фоизи талабалар сафига қабул қилинди.
- Бу ютуқ нафақат 29 нафар мактаб жамосидаги устоз-муаллимларнинг ютуғи, балки битирувчиларнинг илм-маърифат йўлидаги интилишлари ҳамда ота-оналарнинг эътибори самараси ҳамдир. Бундай муваффақият бизга янада иштиёқ бағишлаб, келгусида ҳам барча битирувчиларимиз шундай натижаларга эришиши борасида астойдил фаолият юритишимизга қанот бўлади, - дейди мактаб директори Фазлиддин Қўчқоров.
Юрт бунёдкори бўлган иқтидорларга янада баланд марраларни забт этиш йўлида шижоат ва омад тилаймиз.
Наманган вилоят халқ таълими бошқармаси Ахборот хизмати.