20 июндан 28 сентябргача ҳар иккала ташкилот Англияда тасодифий танлаб олинган 350 минг кишини кузатиб борди, улар доимий равишда коронавирусга қарши антитаначалар бор-йўқлигини аниқлаш учун уйда текширилди. Ушбу даврда антитаначалар одамларнинг 26,5 фоизида камайгани маълум бўлди, бу эса инфекциядан бир неча ҳафта ёки ой ўтгач антитанача даражасининг пасайишини англатади, деб ёзади тадқиқот муаллифлари.
Натижалар шуни кўрсатадики, инфекция белгиларсиз кечган одамлар касалликни аломатлари билан ўтказган беморларга нисбатан антиначаларни тезроқ йўқотади. Тест натижалари мусбат бўлган одамларда антитаначаларнинг пасайиши 22,3 фоиз, коронавирус инфекцияси аломатсиз кечган одамларда эса бу пасайиш 64 фоизни ташкил этган.
Тадқиқотда таъкидланишича, бу пасайиш барча ёш гуруҳларида кузатилсада, кекса ёшдаги одамларда бу яққолроқ кўзга ташланди. Июндан сентябргача 75 ёшдан ошган одамларда антитаначалар нисбати 39 фоизга камайди, 18-24 ёшдагилар орасида эса бу кўрсаткич 14,9 фоизни ташкил этди.
Британиянинг Соғлиқни сақлаш бўйича давлат котиби Жеймс Бетелнинг сўзларига кўра, бу тадқиқот COVID-19 антитаначалари вақт ўтиши билан қандай ривожланишини тушуниш учун муҳим изланишнинг бир қисмидир. Бироқ, унинг таъкидлашича, антитаначалар иммунитетнинг самарали даражасини таъминлайдими ёки йўқми, бу маълум эмас, агар бундай иммунитет мавжуд бўлса, у қанча давом этади, бу ҳам сўроқ остида.
