Якшанба куни Эквадорнинг Мачала шаҳридаги қамоқхонада юз берган ғалаён ва тартибсизликлар оқибатида камида 31 нафар маҳбус ҳалок бўлди.
Бу ҳақда маҳбуслар ишлари хизмати маълум қилди.
“Якшанба куни тушдан кейин Мачала ҳибсхонасида содир бўлган воқеалар туфайли ҳозиргача 31 маҳбус ҳаётдан кўз юмгани ҳақида хабар берилган”, дейилади баёнотда.
Баёнотда гап оммавий бўғилиш ҳақида кетаётгани айтилди. Расмийлар ҳодисани текширмоқда, деб хабар берди report.az.
Гонконг расмийлари яқинда турар-жой мажмуасида содир бўлган йирик ёнғин билан боғлиқ ҳолда 13 кишини бехосдан одам ўлдиришда гумон қилиниб ҳибсга олди, деб хабар берди Хитой оммавий ахборот воситалари.
Беларусь Ташқи ишлар вазирлиги Литванинг Беларусдаги Муваққат ишлар вакили Эрикас Вилканекасни чақирди. Унга қарши учувчисиз учиш қурилмаси воситасида чегарани бузиб кириш бўйича норозилик билдирилди.
Қозоғистон Ташқи ишлар вазирлиги Каспий қувур линияси консорциуми инфратузилмасига қилинган ҳужум Остона ва Киев ўртасидаги “икки томонлама муносабатларга путур етказади”, деб таъкидлади. У Украина томонидан “самарали чоралар кўришни” талаб қилди.
