Бухоро вилоят Экология бошқармаси тезкор гуруҳ ходимлари томонидан Қорақир табиий сув ҳавзасининг 1-контурида назорат рейд тадбири ўтказилди.
Қайд этилишича, олиб борилган рейд тадбирлари давомида, Пешкў туманида яшовчи 2 нафар фуқаро электр қармоқ ёрдамида 168 дона зоғора, 10 дона лаққа ҳамда 1 дона карас балиғини овлаганлик ҳолати аниқланди.
Мазкур ҳуқуқбузарлик оқибатида табиатга жами 3 млрд 532 млн 500 минг сўм миқдорида моддий зарар етказилган.
Ҳозирги кунда ушбу ҳолат юзасидан прокуратура органлари томонидан жиноят иши қўзғатилиб, тергов-суриштирув ҳаракатлари олиб борилмоқда.
Ҳолат юзасидан қўшимча маълумот тақдим этилади.
Экология вазирлиги Давлат экологик назорат инспекцияси ҳамда Сирдарё вилояти Экология бошқармаси давлат инспекторлари томонидан тақиқланган ов қуроллари билан балиқ овлаш ҳолатларининг олдини олиш мақсадида тезкор рейд тадбири ўтказилди.
Шу йилнинг 19–20 апрель кунлари Экология вазирлиги назорат инспекцияси ҳамда Сирдарё вилояти давлат экологик инспекторлари ҳамкорлигида Сирдарё дарёсида ноқонуний балиқ овлаш ҳолатларига қарши назорат тадбирлари ўтказилди.
