Туман ҳокими Сейдамат Авезов, Қорақалпоғистон Бандлик ва меҳнат муносабатлари вазири Ю Алимов, сектор раҳбарлари, кенг жамоатчилик вакиллари иштирокида янги бино топширилишига бағишланган тадбирда сўз олганлар мамлакатимизда аҳолига қулайликлар яратиш, айниқса, бандлигини таъминлаш, ҳар бир фуқарога ўз касби ва мутахассислиги бўйича ишлаш имконияти, соҳа ходимларига қулай иш шароитлари яратиб беришга қаратилган кенг кўламли ишлар амалга оширилаётганлиги таъкидланди.
– Туманимизда аҳоли бандлигини таъминлаш, бу борада фуқароларга кўмак бериш борасида белгиланган ишлар олиб борилмоқда, – дейди Элликқалъа туман Аҳоли бандлигига кўмаклашиш маркази раҳбари Мардонбек Рустамов – Қулай, барча шароитларга эга марказимизнинг янги биноси мазкур йўналишдаги ишлар, қолаверса, фаолиятимиз самарадорлигини оширишга ёрдам беради.
Замонавий лойиҳалар асосида барпо этилган марказнинг кўркам биноси зарур жиҳоз ва воситалар, ахборот коммуникация технологиялари билан тўла таъминланган бўлиб, бу ерда ишловчилар ва марказ хизматларидан фойдаланувчилар учун зарур барча шарт-шароитлар яратилган,деб хабар бермоқда Элликқалъа тумани ҳокимлиги ахборот хизмати.