Ерда G3 синфидаги кучли магнит бўрони бошланди. Бунга Ерга яқин фазода қуёш шамоли тезлигининг кескин ошиши сабаб бўлди, деб хабар берди “Фобос” об-ҳаво марказининг етакчи мутахассиси Михаил Леус ўзининг Telegram-каналида.
“Туннинг иккинчи ярмида, Ерга яқин фазода, қуёш шамоли тезлигининг кескин ўсиши кузатилди, сониясига 650 километрдан юқори ва унинг ҳарорати баъзан 1 миллион даражадан ошди. Сайёрамизнинг геомагнит майдони бунга жавоб қайтариб, G3 синфидаги кучли магнит бўрони бошланди. Ҳодиса Москва вақти билан соат 5 да қайд этилган, деб ёзди у.
Синоптикнинг сўзларига кўра, бўрон қисқа муддатли бўлиши мумкин ва тез орада тўхтайди, аммо геомагнит майдондаги бузилишлар кун охиригача ва жума кунигача давом этади.
Таъкидланишича, глобал прогноз марказлари кун давомида фақат кучсиз бузилишларни кутишган ва уларнинг башоратларида магнит бўронлари эҳтимоли 51 фоиздан ошмаган, деб хабар беради tass.ru.
