Бунга сабаб баъзи манфий тест натижалари аниқланган беморларда касаллик икки ҳафтадан кейин ҳам ривожланаётган эканлигидир. Бу ҳақда Иттифоқ соғлиқни сақлаш агентлиги раҳбари Европада янги касалланиш учқунлари пайдо бўлаётганидан хавотир олиб, эълон қилган.
Европа касалликларни профилактика ва назорат қилиш маркази (ECDC) раҳбари Андреа Аммон хоним Европарламентнинг навбатдаги йиғилишида «Агар карантин муддати қисқа бўлса, қанақанги масъулиятни зиммаларига олаётгани ҳақида қарор қабул қилаётган сиёсатчиларни огоҳлантириб қўймоқчимиз», — деган. У касалланишнинг 3-4 фоиз ҳолатида инфекция 14 кундан кейин, пайдо бўлиши, бу эса COVID-19 карантинининг ҳозирги вақтида қабул қилинган стандарт давомийлигига тўғри келиши ҳақида огоҳлантирган.
Германия ЕИ раҳбариятига Нидерландия ва Норвегия август ойи сўнгида ушбу ҳаракатни амалга оширганидан кейин карантин муддатини қисқартириши ҳақида хабар берган. Германия ҳукумати қарорига кўра, 1 октябрдан бошлаб, касаллик хавфи кучли ҳудудлардан саналган чет мамлакатлардан қайтган ўз фуқаролари 14 кун эмас, 5 кун давомида карантинда бўлади.
Экспертларнинг таъкидлашича, COVID-19 профилактикасининг қисман енгиллаштирилиши кўпчилик Европа мамлакатларида касалликнинг янги учқунлари пайдо бўлиш жараёни билан боғлиқ.
Касалликлар сонининг ортиши қисман, қўшимча тест синовлари ўтказилиши билан тушунтириляпти. Шу билан бирга, асосан қайта очилган дискотека, тунги клублар, пляж ва ҳоказоларга бораётган ёшларда кузатилаётгани таъкидланган. Аммон хонимнинг сўзларига қараганда, сўнги бир неча кунда ёши улуғ европаликлар орасида шифохонага тушувчилар сони кўпайган.
