Авиация бензини, авиация керосини билан бирга, самолётлар учун ёқилғи ҳисобланади. Кичик самолётлар ва вертолётлардаги поршенли двигателлар айнан авиация бензинида ишлайди.
Фарғона нефтни қайта ишлаш заводида ишлаб чиқарилган Б-92 русумли авиация бензини ички бозордаги талабни ўз вақтида қондириш ҳамда ушбу турдаги ёқилғи экспортини йўлга қўйиш мақсадида ишлаб чиқаришни ривожлантириш имконини беради.
Б-92 маркали авиация ёқилғиси АН-2 енгил самолётларини ёнилғи билан тўлдиришга талаб катта, яъни унинг маҳаллий ишлаб чиқарилиши Республикада, жумладан Фарғона вилоятининг Сўх туманига 80 минг аҳоли учун «ҳаво кўприги»ни яратишда муҳим ҳисобланиб, у мунтазам равишда авиақатновларни ривожлантиришга хизмат қилади.
Эслатиб ўтамиз, аввалроқ Фарғона нефтни қайта ишлаш заводи техник шартлар (ТШ) бўйича Б-92 авиация бензини ишлаб чиқарган эди, деб хабар беради Энергетика вазирлиги матбуот хизмати.
Икки хил авиация ёқилғиси мавжуд бўлиб, улар авиация бензини ва авиация керосини ҳисобланади. Илмий-тадқиқот ишлари давомида авиация бензинининг янги формуласи Б-92да тетраетил қўрғошин миқдори камайтирилди, бу бензин захираларини кенгайтирганда, иш режимидан қатъий назар, токсик тетраетил қўрғошинни камайтириш двигателларнинг нормал ишлашини таъминлаш қобилиятига таъсир кўрсатмади.