Қайд этилишича, шу жорий 13 февраль куни Учкўприк тумани, «Фаровон» МФЙ, Калтасой қишлоғида яшовчи фуқаролар— Т.Б ва унинг таниши, У.Д Қўқон шаҳар, «Зило»л МФЙ, А.Т. Хуқандий мавзесидаги кўп қаватли уйлар олдида турган чинор дарахтини қасддан шикастлаб, уни нобуд қилган.
Мазкур шахслар аниқланиб, уларнинг ҳаракатларида Ўзбекистон Республикаси Маъмурий жавобгарлик тўғрисидаги кодекснинг 183-моддаси (майда безорилик) билан ҳуқуқбузарлик содир этилгани сабабли, уларнинг ҳар бирига маъмурий қамоқ жазоси тайинланди.
Шунингдек, чинор дарахтини кесиш ҳолати бўйича Қўқон шаҳар ИИБ Тергов бўлими томонидан терговга қадар текширув ҳаракатлари ўтказилиб, мазкур фуқароларга нисбатан Ўзбекистон Республикаси Жиноят кодексининг 198-моддаси (яшил зоналарда дарахтлар ва буталарни ноқонуний кесиш ёки шикастлаш) бўйича жиноят иши қўзғатилди.
