Индонезиянинг Бали шаҳрида қиличбозлик бўйича Осиё чемпионати ўтказилмоқда.
Қайд этилишича, аёллар ўртасида сабля дастурида кечган беллашувларда ҳамюртимиз Фернанда Эррера бронза медали соҳибига айланди.
Спортчи финал йўлланмаси учун кечган муросасиз баҳсда Париж-2024 ёзги Олимпия ўйинлари совриндори япониялик Мисаки Эмурага 13:15 ҳисобида имкониятни бой берди.
Қайд этиш жоиз, қозоғистонлик Айгерим Сарибай билан кечган чорак финал беллашувида 8:14 ҳисоби қайд этилаётган пайтда Эррера ажойиб камбек амалга ошириб, якунда 15:14 ҳисобида ғалабани илиб кетди.
Туркиянинг Истанбул шаҳрида қиличбозликнинг сабля йўналиши бўйича Satellite таснифидаги мусобақа ўтказилди. Унда иштирок этган Ўзбекистон терма жамоаси аъзоларидан Муса Аймуратов бронза медали билан тақдирланди.
Хитойнинг Уси шаҳрида қиличбозлик бўйича ўсмирлар ва ёшлар ўртасидаги жаҳон чемпионатининг жамоавий дастурида иштирок этган саблячи ёшларимиз қизлар ва йигитлар ўртасидаги дастурларда бронза медалларига сазовор бўлди.
