Ф.Кишида мамлакат парламенти вакиллар палатаси депутати, Япония тарихида энг узоқ вақт фаолият юритган (2012-2017 йиллар) Ташқи ишлар вазирларидан бири бўлган.
Япония Ташқи ишлар вазирлигининг расмий сайтига кўра, Фумио Кишида Ўзбекистон Ташқи ишлар вазири билан 2 маротаба расмий учрашув ўтказган (2014 йил 16 июль – Бишкек, 2017 йил 30 апрель - Ашхобод). Фаолияти давомида “Марказий Осиё+Япония” ҳамкорлик лойиҳасини ривожлантиришга ҳаракат қилган.
Собиқ Бош вазир Абэ Синдзонинг Ўзбекистонга дастлабки расмий ташрифини ташкил этишда бевосита масъул бўлиб (2015 йил 26 октябрь), ташриф якуни бўйича имзоланган ҳамкорлик шартномаларининг ижросини доимий равишда муҳокама қилиб келган.
Сайловолди ташвиқотида ҳам Осиё мамлакатлари билан дипломатик алоқаларни яхшилашга эътибор қаратиши таъкидланган.
