Буюк Британияда яшовчи фуқаро EuroMillions лотереясида 184 миллион фунт стерлинг ютди. The Sun нашри хабарига қараганда, шу пайтга қадар Европада ҳеч ким лотереяда бунча катта маблағ ютмаган.
Жек пот эгаси ҳозирча ўзини маълум қилмади. Аммо ташкилотчилар бу пулга бемалол Таиланддаги Рангиай оролини сотиб олиш мумкинлигини айтмоқда. Ушбу орол яқинда 130 миллион фунт стерлингга сотувга қўйилган.
Буюк Британияда шу пайтга қадар энг катта ютуқ 2019 йилда ўйналган эди. Ўша йили ўзини кимлигини ҳалигача билдирмаган фуқаро 170 миллион фунт стерлинг ютиб олганди.