Тунда Ҳиндистон Кашмирдаги терактга жавоб тариқасида «Синдур операцияси» доирасида Покистоннинг тўққизта объектига зарба берди. Камида 8 киши ҳалок бўлгани маълум.
Ўз навбатида, Покистон буни ядровий қуролга эга бўлган давлатлар ўртасидаги кескинлик кучайиши шароитида "очиқдан-очиқ уруш акти" деб баҳолади ҳамда Ҳиндистонга жавоб зарбалари йўллади. Бунинг натижасида 3 нафар тинч аҳоли ҳалок бўлгани айтилмоқда.
Покистон 5 та ҳинд самолётини Ҳиндистон ҳаво ҳудудида уриб туширганини маълум қилди. Улардан бири мактаб ҳудудига қулаган.
Покистон, агар Ҳиндистон ҳужумларни тўхтатса, вазиятни кескинлаштирмасликка тайёр эканлигини маълум қилди. Ўз навбатида, яқин орада Ҳиндистон ҳолат бўйича брифинг ўтказмоқчи.
