АҚШ Президенти Дональд Трамп пайшанба куни Исроил ва ҲАМАС Ғазо тинчлик режасининг биринчи босқичи бўйича келишувга эришганини маълум қилди. Бу ҳақда Мисрдаги билвосита тинчлик музокараларининг учинчи куни якунида эълон қилинди.
Ўзининг Truth Social ижтимоий медиа платформасидаги постида Трамп ҳар икки томон ҳам ўз маъмуриятининг режасини қабул қилганини эълон қилди, бу бир неча кун олдин учинчи йилга қараб кета бошлаган Ғазодаги ҳалокатли урушни тугатиш ҳаракатларидаги энг катта ютуқдир.
“Исроил ва ҲАМАС бизнинг тинчлик режамизнинг биринчи босқичини имзолаганини эълон қилишдан ғурурланаман”, деб ёзди Трамп.
Трампнинг 21 банддан иборат тинчлик режасининг биринчи босқичи жанговар ҳаракатларни зудлик билан тўхтатишни ва Исроил қамоқхоналарида сақланаётган юзлаб фаластинлик маҳбуслар эвазига Ғазода гаровга олинганларни озод қилишни талаб қилади, деб хабар берди ru.euronews.com.
