Туркиянинг фавқулодда ҳолатлар ва офатлар бошқармаси (AFAD) сайти хабарига кўра, Истанбул ҳудудида бир неча бор зилзила содир бўлди, иккинчиси 6,2 баллни ташкил этди.
Биринчи зилзила 3,9 магнитудали эди. Ҳар иккиси ҳам Истанбулдан 50 километр ғарбда жойлашган Силиври шаҳри яқинидаги Мармар денгизида содир бўлди, деб хабар беради rbc.ru.
“Зилзила туфайли AFAD ва бизнинг тегишли муассасамизнинг барча гуруҳлари Истанбулдаги дала текширувларини бошлашди”, деб ёзди ички ишлар вазири Али Ерликая X ижтимоий тармоғида.
Истанбулдаги кетма-кет зилзилалардан сўнг мингдан ортиқ бино бироз зарар кўрди. Бу ҳақда Туркия шаҳарсозлик ва атроф-муҳит вазири Мурат Курум Х ижтимоий тармоғида маълум қилди.
Туркиядаги зилзила оқибатида жабрланганлар сони 236 нафарга етди. Бу ҳақда Туркия соғлиқни сақлаш вазири Кемал Мемисоғлу Фавқулодда вазиятлар департаменти тезкор штабида ўтказилган брифингда маълум қилди.
Ўзбекистон Республикаси Президенти Шавкат Мирзиёев 7 апрель куни Парламентлараро иттифоқнинг 150-юбилей Ассамблеяси доирасида Туркия Республикаси Буюк миллат мажлиси Раиси Нуман Куртулмуш бошчилигидаги делегацияни қабул қилди.
Туркиянинг мухолифатдаги Республика Халқ партияси раиси Ўзгур Ўзелнинг айтишича, праймериз давомида 15 миллионга яқин фуқаро ҳибсга олинган Истанбул ҳокими Экрем Имамоғлуни республика президентлигига номзод қилиб кўрсатган.
