Тошкентда ўтказилиши режалаштирилган конференцияда Афғонистоннинг бугунги куни ва келажаги, мамлакатнинг оғир ижтимоий муаммоларини ҳал қилиш билан боғлиқ масалалар муҳокама қилиниши кутилмоқда.
В.Норов Душанбедаги мажлисда минтақа давлатлари иқтисодиётининг тараққиёти учун халқаро транспорт коммуникацияларини шакллантиришнинг аҳамияти ҳақида ҳам тўхталди:
«Ҳамдўстлик ҳудудида, биринчи ўринда «Шимол-Жануб» йўналишидаги минтақалараро ва трансконтинентал транспорт йўлаклари тизимини, шу жумладан «Термиз – Мозори-Шариф – Қобул – Пешавор» йўналишидаги темир йўлини диверсификация қилиш бўйича саъй-ҳаракатларни бирлаштиришни муҳим деб биламиз», — деди В.Норов.
