Тадбирнинг очилиш маросимида иштирок этган Фарғона вилояти ҳокимининг ўринбосари Ҳуршид Аҳмедов соҳа вакилларига юрт равнақи, ислоҳотлар жадаллашувига ҳисса қўшишдек масъулиятли ишларида муваффақият тилади.
Шунингдек, Ўзбекистон Журналистлар ижодий уюшмаси раиси, юридик фанлари номзоди Олимжон Ўсаров ўзбек матбуотида сўз эркинлиги ва жамият очиқлиги, тажриба ва таҳлил хусусида сўзлади.
Шундан сўнг медиафорум ўз ишини бошлади. Устоз журналистлар долзарб масалалардаги тажрибалари билан бўлишмоқдалар. Мазкур медиафорум 19-мартга қадар давом этади.
Эслатиб ўтамиз, медиафорум ўнинчи маротаба ўтказилмоқда. Ўтган форумлар давомида 600 нафардан ортиқ журналист кадрларнинг малакасини оширишга катта ҳисса қўшишга эришилган.