Бортида инсонпарварлик юклари билан учган чартер рейс Сеулдан Тошкентга келиб қўнди.
Бу сафарги юклар Ўзбекистон Республикаси Фавқулодда вазиятлар вазирлиги ходимлари учун мўлжалланган бўлиб, улар 150 хил тиббий ҳимоя воситаларидан иборат. Уларни Жанубий Кореянинг Ёнғин институти вакиллари ўзбекистонлик ҳамкасбларига беғараз тақдим этди.
Коронавирус пандемияси давом этаётганига қарамай, жорий йилнинг апрель ойида Ўзбекистон Республикаси Фавқулодда вазиятлар вазирлигининг Ёнғин хавфсизлиги ва фавқулодда вазиятлар илмий-тадқиқот институти билан Корея Республикаси Ёнғин институти ўртасида меморандум имзоланди.
Шунингдек, 2021-2022 йиллар учун икки мамлакат ўртасида ёнғин хавфсизлиги соҳасида ҳамкорлик режаси лойиҳаси тасдиқланиши кутилмоқда.