Тадбирда Ўзбекистон Республикаси Президенти ҳузуридаги Статистика агентлиги директори Баҳодир Бегалов, JICA нинг Ўзбекистон Республикасидаги ваколатхонаси раҳбари жаноб Миязаки Сугуру ва бошқа мутахассислар иштирок этди.
Учрашувда Агентлик директори Баҳодир Бегалов ва Миязаки Сугуру жаноблари икки томонлама ҳамкорликнинг жорий ва истиқболли йўналишлари юзасидан фикр алмашди, шу жумладан, аҳолини рўйхатга олиш, қишлоқ хўжалигини рўйхатга олиш жараёнларига тайёргарлик кўриш ва туризм статистикаси бўйича маълумотлар алмашинувига тўхталиб ўтди.
Учрашув иштирокчилари ҳамкорликни янада мустаҳкамлаш ва ҳамкорликнинг бошқа истиқболли йўналишларини ривожлантиришга келишиб олдилар, деб хабар беради Ўзбекистон Республикаси Президенти ҳузуридаги Статистика агентлиги матбуот хизмати.
