Тадбир Туризмни ривожлантириш давлат қўмитаси раисининг маслаҳатчиси Ўткир Саидов ва Ғаллаорол тумани ҳокими Жамолиддин Оқбоев томонидан очиб берилди. «Жиззах вилоятида сўнгги йилларда барча соҳаларда ижобий ўзгаришлар сезилмоқда ва бунда туризм соҳаси муҳим ўрин эгалламоқда. Вилоятимизда туризмнинг барча турлари: агротуризм, экотуризм, гастрономик туризм, зиёрат туризмини ривожлантириш мақсадида қилинаётган чора-тадбирлар ўз самарасини кўрсатмоқда. Бугун «Соҳибқирон дарвозаси» туризм объектида ўтказилаётган “Sumalak Party” ёшлар тарғибот тадбири ҳам ички туризм салоҳиятини янги босқичга олиб чиқиш ҳамда уни ёшлар иштирокида нафақат республикамиз бўйлаб, балки бутун дунёга кенг тарғиб этилишида муҳим роль ўйнайди», – деди Ғаллаорол тумани ҳокими Жамолиддин Оқбоев. Шундан сўнг тадбирнинг бадиий қисмида миллий мусиқа садолари, ҳарбий оркестр жаранги, фольклор жамоалар чиқишлари, миллий спорт ўйинлари, фонус ва варраклар сайли ўтказилди.

Бундан ташқари, тадбир жараёнида бир қатор фаол тадбиркор аёлларга Жиззах вилоят Туризмни ривожлантириш ҳудудий бошқармаси томонидан сертификат, ташаккурнома ва эсдалик совғалари топширилди.

Тайёр бўлган сумалак ташкилотчилар томонидан эсдалик совғалари билан бирга хайрия сифатида Жиззах шаҳридаги 29-сонли меҳрибонлик уйи тарбияланувчилари ва ички туризм тарғиботини кенг оммага ёйиш мақсадида М39 йўлидаги сайёҳ ҳамда йўловчиларга тарқатилди.

Тадбир сўнгида Тузимни ривожлантириш давлат қўмитаси ва ҳудудий бошқарма жамоаси иштирокида “Sumalak Party” эстафетаси ташкил этилиб, унда “Uzbektourism_SumalakParty_in_Jizzakh” рукни остида челленж эълон қилинди ва ушбу челленж учун махсус капгир тайёрланиб, Жиззах вилояти Туризмни ривожлантириш бошқармаси бошлиғи Азиз Эгамбердиев томонидан кейинги ҳудудга чақириқ қилинди.