Жорий йил 9-синф битирувчиларининг ҳужжатлари kasb.edu.uz электрон платформаси орқали 1июль кунидан 20 июль (шу куни ҳам) кунига қадар онлайн қабул қилинади.
Платформага:
— туғилганлик ҳақидаги гувоҳнома ёки ID карта маълумотлари;
— 3х4 ҳажмидаги фотосурат киритилади.
2022/2023-ўқув йили учун Олий ва ўрта махсус таълим вазирининг буйруғига мувофиқ 330 та касб-ҳунар мактабига жами 78 минг 490 та қабул параметрлари тасдиқланди.
Шундан, 75 470 та ўзбек, 930 та рус ва 2090 та қорақалпоқ тили гуруҳлари учун белгиланди.
Касб-ҳунар мактабларида ўқиш тўлиқ давлат бюджети ҳисобидан амалга оширилади, дея хабар бермоқда Олий ва ўрта махсус таълим вазирлиги.