Кейинги йилларда ушбу санъат турини кенг оммалаштиришга алоҳида эътибор қаратилмоқда.
Жумладан, Президентимизнинг 2022 йил 2 февралдаги "Маданият ва санъат соҳасини янада ривожлантиришга доир қўшимча чора-тадбирлар тўғрисида"ги қарори ижросини таъминлаш, ёш истеъдодларни излаб топиш ва қўллаб-қувватлаш мақсадида Андижон шаҳрида "Келажак" болалар фольклор жамоалари республика фестивалига старт берилди.
Фестиваль халқ оғзаки ижоди намуналаридан "Лапар", "Ялла", "Ўлан", бахшичилик санъати, урф-одат ва анъаналаримизни улуғловчи ўйинлар, рақс, қўшиқ, мусиқа ижрочилиги йўналишларини қамраб олган.
Асосий мақсад болалар фольклор санъатини ривожлантириш, шеърий ижодиёт, халқ достонлари, ҳунармандчилик, миллий либослар ва халқ ўйинлари, урф-одатларни сақлаб қолиш ҳамда уларни кенг тарғиб этиш, миллий анъаналарни асраб-авайлашдан иборат.
