Мазкур тадбир Кореянинг йирик электр энергетика компанияси – «Korea Electric Power Corporation» (KEPCO) томонидан ўтказиляпти. Унда дунёнинг 20 дан ортиқ мамлакатларидан келган энергетика компаниялари қатори Ўзбекистон Энергетика вазирлиги делегацияси ҳам иштирок этяпти.
Кўргазма углерод нейтраллиги ва энергия хавфсизлиги масалаларига бағишланган бўлиб, унда бир қатор масалалар, хусусан электр энергияси қувватларини оширишда яшил энергетиканинг улушини кўпайтириш, энг замонавий энергия тежовчи қурилмаларни жорий этиш, энергия ресурсларидан самарали ва оқилона фойдаланиш, бунинг натижасида атмосферага зарарли чиқиндилар чиқишини олдини олиш каби муҳим масалалар илгари суриляпти.
Кўргазма доирасида бугун куннинг иккинчи ярмида Энергетика вазирлиги делегацияси ва KEPCO компанияси президенти билан учрашув ўтказилиши режалаштирилган, деб хабар беради Энергетика вазирлиги матбуот хизмати.