Тадқиқот олиб борилишига COVID-19дан тузалиб кетган беморларда неврологик асоратлар тўғрисида тобора кўпайиб бораётган ҳисоботлар сабаб бўлди. Инфекция билан оғриганлар тузалиб кетганидан сўнг ҳам альцгеймерга ўхшаш аломатлар анча пайтгача кузатилиб турди.
Тадқиқот муаллифлари коронавирус ташувчиси генлари ва оқсиллари билан асаб касалликларига чалинган беморларнинг генлари ва оқсиллари ўртасидаги боғлиқликни топиш учун сунъий ақлдан фойдаланган. Шунингдек, олимлар SARS-CoV-2 вирусини мия ҳужайраларига юқтиришга имкон берадиган генетик омилларни таҳлил қилди.
Aмерикалик шифокорлар коронавирусдан таъсирланган мия ҳужайралари ва деманция билан оғриган одамларнинг мия ҳужайралари ўртасида яқин алоқани топишга муваффақ бўлишди. “Биз SARS-CoV-2 инфекцияси мия яллиғланишига алоқадор Aльцгеймер касаллигини чақириши мумкинлигини аниқладик”, деди тадқиқот гуруҳи раҳбари доктор Фэйсюн Чэн.
Муаллифлар баъзи ҳолларда коронавирус инфекцияси деманция ва Aльцгеймер касаллигига хос бўлган бошқа неврологик белгиларга ҳам олиб келиши мумкин, деган хулосага келишди.
