Жумладан, академия курсантлари ва муддатли ҳарбий хизматчилари ўртасида “Давлат байроғи – Ватан тимсоли” мавзусида иншолар танлови ўтказилди.

– Мен иншо ёзар эканман, ўзимда чексиз ғурур туйдим, сабаби Давлатимиз байроғини кўрганимда ёки ифодалаганимда кўнглимда тасвирлаб бўлмайдиган ажиб бир туйғулар акс этади. Чунки байроғимиз мустақиллигимиз рамзидир, – дейди оддий аскар Бекзод Фарҳодов.

Шунингдек, “Ватанимиз байроғи – фахримиз, ғуруримиз!” мавзусида расм чизиш танлови ҳам ўтказилди. Унда курсантлар ва муддатли ҳарбий хизматчилар Давлатимиз байроғини ўз тасаввурларига кўра турли хил объектлар билан бирга чизишлари белгиланди.

Якунда энг яхши, деб топилган иншо ва суратлар муаллифлари рағбатлантирилди.

Майор Холмуҳаммад ЖЎРАБОЕВ