Учрашувда ҳамкорликнинг истиқболли йўналишлари, жумладан, таълим ва IT-тадбиркорлик соҳасида қўшма лойиҳаларни амалга ошириш масалалари муҳокама қилинди.
Йиғилишда таъкидланганидек, бугунги кунда Ўзбекистонда ахборот-коммуникация технологияларини ривожлантиришга жиддий эътибор қаратилган.
BPO (бизнес жараёнлари аутсорсинги) ва KPO (бизнес жараёнлари аутсорсинги) хизматларини ривожлантириш лойиҳаларини амалга оширишда ҳамкорликни кучайтиришга алоҳида эътибор қаратилди.
Бугунги кунда Ўзбекистонда хорижий IT-компаниялар ва резидентлар учун барча шароит яратилган. Масалан, IT-Park резиденти бўлган хорижий IT-компанияларга инфратузилма ва солиқ имтиёзлари тақдим этилган. Хорижий IT-мутахассислар ва уларнинг оила аъзолари учун визалар олишнинг соддалаштирилган «IT-Viza» тизими жорий этилди.
Томонлар ҳамкорликни ривожлантириш учун юқори салоҳият мавжудлигини қайд этиб, ахборот технологиялари соҳасида шерикликни ривожлантириш учун барча саъй-ҳаракатларни сафарбар этишга тайёр эканликларини билдирдилар, деб хабар беради Ахборот технологиялари ва коммуникацияларини ривожлантириш вазирлиги матбуот хизмати.
