Бугун, 8 июнда Олий Мажлис Сенати Раиси Т. Нарбаеванинг Қорақалпоғистон Республикаси, Хоразм, Бухоро, Навоий ва Самарқанд вилоятлари маҳаллий Кенгашлар вакиллари билан онлайн учрашуви бўлиб ўтди.
Унда халқ депутатлари маҳаллий Кенгашлари фаолияти самарадорлигини ошириш, улар томонидан қабул қилинаётган қарорларнинг қонунийлигини таъминлаш, Кенгашлар фаолиятида доимий комиссияларнинг ролини кучайтириш масалаларига эътибор қаратилди.
Сенатга киритилаётган қонунларни маҳаллий Кенгашларда муҳокама қилиш, ҳудудлардаги муаммоларни сенаторлар орқали парламентга олиб чиқиш ва бартараф этишга кўмаклашиш амалиёти йўлга қўйилганлиги, қолаверса, маҳаллий Кенгашлар доимий ҳаракатдаги назорат органига айланиб бораётганлиги таъкидланди.
Шунингдек, маҳаллий Кенгашлар олдида турган вазифаларга урғу берилиб, зарур таклиф ва тавсиялар берилди, деб хабар беради Ўзбекистон Республикаси Олий Мажлис Сенати матбуот хизмати.